Filologiya va tillarni o‘qitish: xitoy tili

Aniq va ijtimoiy fanlar universitetining filologiya va tillarni o’qitish (Xitoy tili) ta’lim yo‘nalishi talabalarga xitoy tilini chuqur o‘rganish va ushbu tilni o‘qitish sohasida mustahkam bilim olish imkoniyatini taqdim etadi. Ushbu dastur orqali talabalar xitoy tilining lingvistik xususiyatlarini, fonetikasi, grammatikasi va leksikasini o‘rganadilar, shuningdek, xitoy madaniyati va adabiyoti bilan tanishadilar.

Dastur davomida talabalar nafaqat tilni o’rganishadi, balki uni o’qitish metodikalarini ham chuqur o’rganib chiqadilar. Ular xitoy tilini o‘rgatish bo‘yicha zamonaviy pedagogik texnologiyalarni o‘zlashtiradilar va til o‘qituvchisi sifatida muvaffaqiyatli faoliyat yuritish uchun zaruriy ko‘nikmalarni rivojlantiradilar.

Filologiya va tillarni o‘qitish (Xitoy tili) ta’lim yo‘nalishi talabalarga xalqaro maydonda til va madaniyatlararo muloqotni rivojlantirish imkonini beradi. Ushbu yo‘nalishda olingan ta’lim talabalarni xitoy tili va madaniyati bo‘yicha mutaxassis sifatida yetishtirib, ularning xalqaro hamkorlik va ta’lim sohasida yetakchi bo‘lishlariga yordam beradi.

Kasbiy faoliyatlarning obyektlari

• Davlat boshqaruvi organlari, O'zbekiston Respublikasi Fanlar akademiyasi va tarmoq ilmiy tadqiqot institutlari, ommaviy axborot vositalari va nashriyotlar, maktabgacha, umumiy o'rta va o'rta maxsus, professional ta'lim tashkilotlari, davlat va nodavlat ta'lim tashkilotlari, korxona va muassasalar, kompaniyalar (firmalar)da filolog, pedagog (asosiy va ikkinchi til bo'yicha).